【独家】《造星III》做评判形象大逆转 郑欣宜想嫁人努力搵有内涵老公
2021-01-11 03:07 
郑欣宜去年任《全民造星III》评判时，因对冠军Ben(赵祥诚)及季军ANSONBEAN(陈毅燊)的演出睇到心心眼流晒口水，并大爆姐姐搞笑语录而扭转观众对她一向的观感，开心被赞的欣宜姐姐坦言已33岁，开到口好恨搵一个港男做男友！采访：方骞平 摄影：谭壹致 发型：Milk Chan、Keith lee @ XENTER 化妆：Samuel @江中平化妆室 场地：PRIZM Digital
郑欣宜加入新公司后，坦言想试新嘢，就算头炮新歌《小夜灯》，都希望大家听到她有唔同唱法。她认真说：「都想试吓歌影视三栖发展，大胆演一啲令人意想唔到嘅奸角，咁多年嚟都冇人搵我做过。」
今次转新公司由一早认识嘅林珊珊力邀加盟，「虽然许廷铿有话穿针引线入佢公司（华纳唱片），但朋友之间唔好有任何利益关系最好。所以我会对住块镜同自己打气讲『郑欣宜唔好惊过渡期！一惊就会乱，就会做一啲错误嘅决定，用呢个时间去学跳舞，进修吓！』虽然老公未搵到，但𠵱家我搵到间好公司，呢啲仲难过搵好老公，咁打后咪可以focus搵老公罗！yeah！」 欣宜强调自己33岁好自然谂嫁人，「我锺意有内涵多过外表，其实咁耐以嚟，我一直冇dry过，不时有去约会吓，正如买对鞋都要试上脚先买。」
欣宜笑言唔怕肥妹唔啱男仔「胃口」，「因为好多人食惯排骨，都想试吓食五花腩㗎嘛！有边个人唔锺意食梅菜扣肉呀？！不过，我锺意食中餐嘅，但要遇啱先得。」她解释唔关肥瘦事，因成长环境背景问题，香港男士对郑欣宜已有某种谂法，幸而负面眼光随着网民对她了解，近年已有改变。
最新回应