【疫下难识人】唔敢约心仪对象食饭　方力申认拍拖过于理智

方力申（小方）早前为阮小仪主持的香港开电视节目《小仪与13型男》担任约会对象，节目中，为配合小方热爱运动的喜好，小仪特别安排跟对方大玩TRX（悬吊式阻抗训练），两人大摆亲密甫士，小仪以「男上女下」般躺在地上与小方大玩「女朋友视角」，她说：「同佢识咗咁多年，喺镜头前有冇试过咁亲密？系少啲嘅。拍电影，导演都唔会摆我哋做一对，呢啲动作头先即席谂，佢又唔介意，纯粹佢又信我、我又信佢，系一个友情Moment，感觉有趣！」

问到可曾跟另一半一起做运动？小方点头表示有，但笑言并非好事：「细个有同女朋友一齐做运动，但都闹交收场，自己对运动有要求，会教对方咁做先啱、咁做唔啱，人哋就会拍枱、掉毛巾话唔做喇，所以同女朋友做运动系咪会好Sweet呢？我觉得未必系。」之后小仪又献上Kpop舞给对方作惊喜，惟拍摄前才学了几日的她鸡手鸭脚，把小方吓到目瞪口呆并口窒窒说：「好有诚意，但点解、点解、点解要跳舞？」场面爆笑，事后小方称尊重对方为他做的一切，但谓运动员出身的自己要求较高，自然会跟女朋友讲「差啲喎」，换来不理想的效果。

其间，不时强调单身已久的小方大呻疫情下好难识人，小仪提议他透过交友App识人，但小方笑道：「你玩我咩？App要摆自己张相，记者咪知！其实我好Old School，读书时系游泳运动员，喺泳界好多家长识，佢哋就等于之后嘅『狗仔队』，嗰时已经地下情，到入行时系『狗仔队』最旺嘅时期，自己又系地下情，惯咗喺呢件事上好紧张，就算而家对个女仔有好感，都唔敢约食饭，一约就会畀人觉得『出击』咁。」并谓自己拍拖最大缺点是过于理智，至于择偶条件？他说：「首选性格随和。」