【独家】5间健身室停业两个月蚀7位数　陈伟成呻：咁落去香港真系死

经营健身室的陈伟成（Avis）去年无惧逆市再开3分店，本来不少人因Stay home抗疫密密食致身形发胖，令Gym Room生意飙升，惜上年年尾本港爆发第四波疫情，至今健身中心已遭勒令关闭两个月，拥5间Gym Room的Avis表示损失近7位数，抗疫补贴仍未全数到手，坐等重开的Avis说：「咁样落去香港真系死㗎喇！」撰文：黎宝伦　摄影：李维隆　场地：Wow Fitness CWB

去年3月荣升人父的陈伟成先后于旺角、铜锣湾及尖沙咀开分店，太太黄蔼乐（艺名：黄乐乐）认为囝囝陈朗瑜（Adrian）成日笑、脚头好，令爸爸生意愈做愈大，Avis坦言「疫」市下扩充业务都几大挑战，希望一、两年内翻本。惟政府于去年12月进一步收紧防疫措施，健身室至今勒令闭关约两个月，Avis称现时白交租又要出粮，是损失最惨重的一波，「有啲业主都肯减租，但新租嗰啲就冇咁体谅，直头唔减租，所以好难过到第四波疫情，比较辛苦少少。（有执笠危机？）应该唔使，支撑住罗，希望尽快可以开番。」

提到「防疫抗疫基金」第二、三期仍未攞到，且补贴数字只能应付租金，Avis无奈道：「太少根本支撑唔住，希望补贴多啲，呢件事做得快啲、简单啲，否则1年后畀我，我有生意做都唔使你畀啦！」他又盼政府实施一些政策帮助租客，例如租金支助、规定缴交多少租金等；眼见「封区」范围逐渐扩大，Avis亦没好气道：「知道疫情开始扩散得劲就要一早封咗佐敦、油麻地，唔系走咁啲先再封多啲，政府做嘢真系要快狠准，一次过封晒油尖旺全民检测。封关更唔使讲，一日未有疫苗都唔使放宽，希望佢做番好少少，否则咁落去香港真系死㗎喇！」