【独家】7个人分4枱叹中菜庆功　Dear Jane食羊腩煲如食Buffet

2021-01-28 19:00

疫情下市道唔好，但乐队Dear Jane（DJ）都仲有好多Job，还于去年底推出专辑《Limerence》，结果横扫各大乐坛颁奖礼，连YouTube香港的「2020年度十大热门音乐影片」亦有两首MV上榜撼赢天团BTS，认真威水！大丰收的DJ早前出席完颁奖礼后跟同事去又一城食点心、羊腩煲等庆功，临走再叹番支甜筒，平有平食最紧要开心。采访：谭壹致

因为限聚令关系，香港人出街食饭只要多个两个人都要分枱坐，冧庄叱咤乐坛组合金奖的Dear Jane也不例外。日前下午4时许，DJ同3位同事去又一城食Lunch庆功时，4加3系7，当然要「拆夥」分4张枱坐。由于7个人有一个凸咗出嚟，低音结他手Jackal（伍汉邦）好抵得谂，选择一个人坐，其馀3位成员就各自同1位同事坐；一坐定，结他手Howie（翁厚梁）挂住吹水，主音Tim（黄天翱）和鼓手Nice（黎俊华）两枱专心拣嘢食，冇嘢做的Jackal就拎住张消毒湿纸巾抹足成分钟。

食完羊腩再食雪糕
最后大家叫咗啲点心、汤面和一个$496的3人份「药膳肉骨茶羊腩煲」Share食，食物嚟到分别散落4张枱，搞到7个人好似食Buffet咁，不断企起身再拎住个碗逐张枱夹餸。睇翻Openrice介绍，呢间餐厅人均消费都系200蚊，庆功嚟讲都真系抵到烂！众人食饱坐到6点禁堂食令前先离开，随后他们又陪Tim去Häagen-Dazs买雪糕食，Tim接过支甜筒即拉低口罩，一边食一边落楼离开。