【独家】相隔37年跟父亲再联络吴绮莉望卓琳领略珍惜亲情

2021-01-27 19:41

吴绮莉（Elaine）最近继《理想国》后再参与ViuTV剧《太平纹身店》，剧中她一人分饰两角，饰演性格不同的孪生姐妹侠盗「白玫」和「茉莉」，相当大挑战。讲到相隔37年跟父亲再联络，更倾到墓地问题，Elaine坦承人大了更懂珍惜亲情，亦希望女儿卓琳将来亦会明白这点。撰文：杜淑霞摄影：张咏森服装：Acne Studios、JWanderson、Alexander [email protected].

Elaine今次接演《太》剧，首度一人分饰两角，够晒挑战性，「好大挑战性因为系演一对孪女，但系两个唔同性格，家姐『白玫』有妄想症加精神分裂，爸爸系侠盗嚟，所以两个都好叻去偷嘢帮人，细妹『茉莉』正常啲，两个角色系好特别。」

同卓琳经中间人联络

讲到早前在社交平台透露与父亲相隔37年打电话联络，Elaine话这并非两父女首度通电，年多前刚由美国移居返内地的姑姐曾联络她，并附上照片，当时她不以为然，「连我爸爸都冇见过，点会认得佢个妹。」直到对方透露70多岁父亲在美国独居，再附上父亲照片，着她不如打个电话问候对方，「我就打咗电话去畀我爸爸，未够一年前嘅事，倾咗一阵偈。」今次再联络，Elaine曾劝爸爸回来生活，「佢话喺美国3、40年惊唔习惯，仲话墓地都买咗，我就谂你喺咁远，我过嚟睇你都未必过，我婆婆嗰啲全部葬晒喺香港，拜起嚟都容易好多，我哋啲对白就系咁样啦！」

Elaine觉得若然早在20多岁时要主动联络父亲可能会觉得尴尬，但现在人大了感觉截然不同，「佢都年纪大，我系一个大人嚟，始终佢系我爸爸，问候吓佢，佢又冇得罪我，我又冇得罪佢。人大咗懂得珍惜嘅嘢多好多，唔好话亲人，对朋友、同事嘅感觉，廿几岁唔会咁。」问到想不想卓琳早点领略这点？Elaine好淡然话：「呢啲要时间，去磨练去学习罗！」至于会否期望卓琳将来都会收到爸爸来电？她坦言：「我从来都冇谂呢样嘢，我自己有宗教信仰会为佢祈祷。」她又透露现在跟卓琳保持某程度上联络，有时要透过中间人。