以身为小仪挡狗　林奕匡自认「微暖」为爱妻制造惊喜

林奕匡（Phil）早前为阮小仪主持的香港开电视节目《小仪与13型男》担任约会对象，节目中，Phil带小仪到「毛孩守护者」做义工，二人一起洗狗笼、拖地及带狗散步，其间小仪在喂狗食零食时，突然被毛小孩「胸袭」，幸有Phil即时以身驱为她挡住狗只，小仪也不禁赞对方：「Phil冇100分，都有99分嘅暖男。」又认为「暖男」是外表予人温柔，像棉花般令人舒服的感觉，她续道：「佢同我挡住啲狗、保护住我，其实佢都奀挑挑，论身形横度，我仲横过佢，但佢用身体保护住我，令我觉得好Warm。」

问到是否常获赞是暖男？Phil笑说：「大部分人都唔会刻意咁讲我，但我觉得自己都有少少体贴，亦都会为对方谂好多嘢，不过仲有好多进步空间嘅，唔敢话自己系暖男，但都应该系『微暖』啦。」那么平日对太太李霭玑（Rikko）是否同样窝心？他甜丝丝表示：「未必每日都做到，但自己会花时间、心机去畀惊喜对方，惊喜呢啲嘢系有来有往。」回想未红时，见电器铺成排电视都在直播Rikko讲股票，对方连搭的士都俾人认出，Phil自言从没自卑感，也不介意Rikko事业较顺利，反而更为她感到自豪。

不过Phil又直言曾因事业问题，差点令到二人分开，他说：「2013年有计划出多次碟，有机会系最后一次，但佢都担心我哋嘅将来，始终佢系一个女仔，需要幸福，嗰时佢同我讲，要时间考虑应唔应该继续一齐，我当时同佢讲『你估我唔想你幸福咩？就算我系咪你另一半，我都希望你快乐，但我一无所有，我最珍贵嘅就系你』。」分开的第二日，Phil将《Don't You Remember》的歌词电邮给对方，凭歌寄意盼Rikko能找回大家失去的感情碎片，再走到一起，Phil指自己每次说到这里也会流眼泪，「你估我唔想，畀到幸福你嗰个系我咩！」最终二人克服难关，拉埋天窗。