呻做艺人难觅另一半 关智斌自爆异地恋最开心坐电车

关智斌（Kenny）早前为阮小仪主持的香港开电视节目《小仪与13型男》担任嘉宾，节目中他与小仪到主题公园约会，除了手拖手玩旋转木马、过山车等，二人更浪漫地嘴对嘴一起食冬甩，当与Kenny鼻尖相碰时，小仪仲即兴奋大叫：「私底下好少有呢种感觉，原来系咁得意嘅，掂鼻哥都有一种挑逗感觉。」谈到拣选异性朋友，Kenny透露首选是有洁癖，「有咩类型女性会吸引到我？要教到我嘢，未必要喺边方面叻啲，但要有共同进步嘅目标，喺社会唔做嘢、唔认真工作，好容易冇咗生活。」问到心目中的女神是怎样？他表示要有知性美，例如孙燕姿、莫文蔚等。

小仪认为在圈中要找到另一半较吃力，Kenny表示认同：「自己圈子好难有恋爱发生，喺第二个地方可能容易啲、冇咁多包袱，老实讲，做艺人系会有少少光环，当出到街啲人见到你嘅时候会『哗，小仪呀！』但当同一个人有关系时，呢个滤镜某程度上阻碍咗真诚发展，所以去第二个地方，滤镜冇咁重，尝试异地发展吓（感情）可能好啲。」他又自爆试过异地恋，感觉仲好开心，「香港比较少坐公共交通工具，喺外地时两个人一齐坐公共交通工具，坐电车周围去，好开心。」此外，曾跟心中「男神」约会的小仪，就坦言感觉并不好受，「记得当时个心系卜卜咁跳、好开心，但谂番转头整个约会都唔系好自己、好作状，原来同幻想100分嘅男仔约会，系会冇咗真正嘅自己。」