【好礼让】被指比姜涛更合资格夺叱咤奖郑中基自嘲出得一首歌唔好意思攞

2021-01-26 21:30

郑中基（Ronald）及强尼今日以《暖男爸爸》拍档出席保险活动，问到为何缺席元旦日举行的《叱咤颁奖礼》？Ronald笑说：「唔使啦，乐坛应该畀后生仔多啲鼓励，况且去到又冇认识嘅人，冇陪我倾偈，但我有睇电视。」对于网友认为他比「人气王」姜涛合资格拎奖？他却否定说：「唔会啦！人家努力出唱片，我只得一首歌，我唔好意思拎啦，唔好抹煞人哋嘅努力。」

Ronald又透露最近处境「严峻」，皆因两名子女已近一年没返学，女儿又要考试，小四的课题已劲难，加上老婆报读儿童心理学课程，跟女儿同日考试，喺咁忙碌下冇暇追多个。强尼表示儿子跟Ronald女儿同龄，最近沉迷打机，早前帐户被盗即喊晒口；Ronald亦爆女儿同样有惨痛经历，见她爆喊时还以为她受伤了！