【独家】唔介意同陈家乐拍激咀戏 连诗雅疫情下入不敷支求工作

连诗雅（Shiga）喺新剧《使徒行者3》中，以倒叙形式现身演袁伟豪（Ben）前女友，两人除咗有激咀戏，仲有牀戏，由于Shiga同阿Ben唔熟，初时系有啲尴尬嘅，却可以带出新鲜嘅火花。问她同熟到烂，绯闻男友陈家乐拍咀嘴戏又如何？Shiga即尴尴尬尬说：「同边个都好，睇吓有乜工作机会！」她坦言2020年入不敷支，系好需要每个工作机会。 采访：方骞平 服装：Vivienne Tam

入行10年嘅Shiga近年转投电视圈，之前喺《那些我爱过的人》饰演妇科医生获网民赞好，《使徒行者3》虽然戏份唔算多，但依然抢戏。讲返难忘事，她说：「开工第一日就要拍场重头戏，话我为咗查案色诱袁伟豪，要激咀。因为同对手唔熟，呢啲时候除咗沟通好重要外，惟有放胆去信任大家，尽情豁出去，所以只系拍咗1-2 take就顺利收货。」

。

她大赞阿Ben系个非常专业演员，会讲好每个细节位，「同阿Ben演戏要揣摩，相比我同周柏豪好似兄弟咁，大家最有默契，因为太熟，戏中情到浓时，好自然会锡番啖，面对人夫零顾忌。」问她可会接受跟绯闻男友陈家乐拍亲热戏？她即大耍太极说：「我同边个都得，同任何人都可以演情侣…唔知呀！都未拍过，未发生嘅嘢预料唔到，睇吓工作啱唔啱，不过唔知点解冇人搵过我哋演情侣？可能啲人锺意睇我同柏豪啩！我反而最想同陈豪演情侣，佢好有男人味，喺《杀手》入面好正，而且我都锺意饮咖啡拍完《那些我爱过的人》。」喺疫情下，Shiga坦言今年入不敷支，只能靠积蓄养妈咪，所以要节敛，兼且努力工作，同埋keep住正面心态，因为系全世界人一齐面对紧嘅困难。