王祖蓝细女出世同家姐一样样 李亚男赞大鼻妹好靓女

王祖蓝与李亚男的第二个爱情结晶出生了！BB女的英文名字是Hayley Wong，中文名则是王海静。由于两名爱女同在12月出生，祖蓝与李亚男这对24孝父母，早前特意举行迷你庆祝派对，庆祝大女Gabby两岁生日快乐的同时，亦隆重欢迎Hayley这位新成员。

问到祖蓝与亚男第一眼见到Hayley是否很感动时，李亚男笑言：「当我哋第一眼见到Hayley时，系觉得好搞笑同神奇，因为佢同家姐一模一样样，见到佢就好似见到啱啱出世嘅家姐咁，实在真系太似样了；唯一有一点唔同，就系Hayley个鼻好似仲大过家姐咁，系一个大鼻妹嚟，哈哈哈！但好感恩佢系一个好漂亮嘅孩子，好多亲友睇咗相后都赞佢好靓女。」祖蓝则补充谓：「好感恩佢唔似我，最紧要系个样唔好似我，似晒妈咪就可以㗎喇。」

问到Leanne再生第二胎是否没有第一胎那么紧张？她则谓：「因为有咗第一次嘅经验，又因为我系开刀，好多嘢都按照住schedule发生，所以今次就真系冇咁紧张同激动，但当然嗰种开心同奇妙嘅感觉依然系非笔墨所能形容。」