【独家】恨拍电影成就解锁 Ian@MIRROR：最多唔瞓觉
2020-12-17 20:30 
Ian@MIRROR（陈卓贤）最近推出第5首单曲《背伴》，今次是他第二度包办曲词作品，Ian坦承有过上次经验本应更加得心应手，但同时要忙拍新剧《无限斜栋有限公司》，时间仓促下对自己失信心，搞到录紧音仲改紧。虽然辛苦，Ian依然好享受演戏，最近在《男排女将》演出获赞，更令他打了强心针，好想挑战埋拍电影，解锁人生另一成就，更夸下海口：「最多唔瞓觉。」撰文：杜淑霞 摄影：李维隆 发型：Lydia Yung&Denny Ku@Chic Private I Salon 化妆：Circle Chong &Tifa @Annie G Chan makeup centre 服装：Y’s 场地：FWD HOUSE 1881
由于要兼顾拍《无限斜栋有限公司》，Ian完成《背伴》第一次录音后仍作修改，「第二次先录番我改咗嘅嘢，呢样系我前所未试过，可能就系因为自己觉得太急太仓促，所以自己有个潜意识呢首歌系未完整嘅，即使去到最后一刻入录音室录埋，我都仲想改。」
最想MIRROR夺奖
讲到年尾各项颁奖礼，先后打入叱咤「我最喜爱男歌手」最后五强及「我最喜爱歌曲」最后8强的Ian，坦言对个人奖项冇信心，反而最想MIRROR夺奖，「因为可以集结到12个人嘅力量，我觉得入到五强，同一班前辈喺一个名单上面已经系好似赢咗咁样，好似多咗份认同，多咗份肯定，我哋12个已经好满足。」
至于新一年愿望，Ian除了音乐，仲讲到出口恨拍戏，「希望之后嘅作品愈做愈好，自己几期待，自己咁样讲完之后，无谓令大家跌眼镜，更加要畀心机去做。同埋拍咗两套剧，都希望出完街之后，大家认识多咗我，又或者从而参与多啲演戏嘅拍摄，因为拍剧都算啱啱新尝试，最想新一年有大银幕嘅电影演出。（你成日提真系好恨拍电影喎？）因为系成就解锁嚟，出道两年期间自己都好幸运好多机会，又做过舞台剧；又拍过剧集；又写过歌畀人；又写歌填词畀自己；解锁咗好多成就，而电影系未解锁到嘅成就。」Ian仲话只要有机会唔介意戏份角色，同埋冇时间休息，「我唔介意忙啲，最多唔瞓觉，搭车嗰时瞓罗！」
最新回应