【惹火】发表抗疫感受感激身为中国人周柏豪被唔同政见网民洗版式追击

2020-12-17 20:52

仲有唔够半个月就送走2020，疫情下今年令全球陷入困局，工作大减嘅周柏豪「大文豪」上身，今午在facebook专页出post，贴出抱B女相有感而发留言：「2020年，过得惊心动魄，一个疫症看透了一个进退失据，脆弱无助的世界，不得不心存感激自己身为一个中国人，活在一个为抗疫上下一心的国家，在庇荫下令我与家人过上健康和顺的日子，2020快要结束，新一年会更好。」

虽然系一个温馨帖子，但惹来一众网民洗版式追击，唔少唔同政见嘅网民闹爆他冇良心，表明会unlike他。网民留言表示：「做人呢，应该饮水思源，记得喺边度地方由寂寂冇名到红透半边天嘛？还记得你由同天空到百年不合系边个度嘅人支持你嘅碟嘛？还记得由九展到红馆系咩年龄层嘅人食炒价都买飞睇你演唱会嘛？不过算啦，当系最后一次系度comment，已unlike。」、「喜欢你10年，从来冇失望，𠵱家你真系令我好失望。」、「唔出声冇人话你哑！」不过，凡事总有支持声音，都有铁粉和议留言：「多谢柏豪正面讯息」、「欣赏你，支持你。」有啲中立派见柏豪处于两难局面，无奈说：「其实好好哋，点解冇嗱嗱又讲返呢啲嘢？唉！」