【独家】惊与Ian传绯闻惹负评　余洁滢最想同林嘉欣斗戏

余洁滢（Zoe）于ViuTV剧集《男排女将》饰演顾定轩胞妹「安安」兼排球队助教，与MIRROR成员陈卓贤（Ian）不乏感情戏，虽然Ian力保荧幕初吻，但仍被Zoe锡面，又于对方面前晒肌，令粉丝极之「葡萄」，Zoe也笑言惊大家呷醋：「如果锡咀或更Close我仲惊，So far冇收过粉丝投诉，佢哋知系演戏都理解，但我中学同学锺意Ian，佢成日Send喊样嚟话羡慕。」又谓不想传绯闻，使人误会她工作不认真，只盼有机会拍不同剧种和电影，让观众看到自己的另一面。撰文：黎宝伦　摄影：李维隆　服装：HUF @popcorngeneralstore　场地：kolworkshop　 鸣谢：Barry@巧松啲

面对大班男对手，余洁滢坦言好怕丑，起初唔敢开口跟他们倾偈，幸获「阿哥」照顾才融入大家，「顾定轩好好，会叫我一齐食饭又帮我攞饭，因为佢知我哋好多对手戏，所以同我好快熟络，等我唔使惊。」提到肥仔和Alton常调戏邓丽欣，问到可有被撩？她笑道：「冇喎，可能我男仔头啩。」又直认与角色一样「麻甩」，除了冬天可以3日唔洗头外，她亦锺意打机和睇动漫，私下仲会爆粗。

三点不露
爱上拍剧的Zoe表示恨拍古装，皆因想体验不同的造型，亦希望踏足电影界，最想跟林嘉欣合作，「佢好有气质、笑得好甜，女神一样，做戏又好好。（丑化演《怪物》都得？）OK，我做戏冇乜包袱，咩类型嘅戏都有兴趣，但做唔做到就要落啲苦功。」提到胞姊余香凝于电影《七人乐队》上演肉搏戏，问是否接受性感演出？她说：「最主要睇剧本，有需要嘅话顶尽露背，三点不露。」经常被指两姊妹撞样的Zoe，又称不介意两者被拿来作比较，自己也视对方为努力目标，更希望有日超越家姐。