【独家】隔17年再拍剧 男友来港解相思 Stephy恨同王子拍住拖煲《男排》

Stephy（邓丽欣）相隔17年最近再拍剧，在ViuTV新剧《男排女将》饰演男排教练「蒋家瑜」，曾是香港青年排球队队员的她，不违言因爱排球而接拍，但亦因而觉得特别有压力和期待，不过拍摄过程同一班后生仔拍摄十分愉快，仲俾他们搞到在拍摄现场爆笑。虽然剧集因疫情影响一度要停拍，Stephy的其他拍摄工作亦要煞停，但反而令她难得有机会同妈咪一齐煲自己作品，更坦承已有大半年冇见的男友王子（邱胜翊），有计划台湾飞来港齐齐睇直播。撰文：杜淑霞 摄影：李维隆 形象：Queenie Yu 发型：Vince Pang 化妆：Cyrus Lee@CyrusLee 1018 服装：Zadig & Voltaire@ITHK、Stuart Weitzman

中一时已开始迷上打排球的Stephy，曾是香港青年排球队队员，后来因入行而放弃排球梦想，但15年以领队身份组队参加排球丙组资格赛，就知她有几爱排球。不过，最初Stephy接到《男排》邀请时，一度十五十六，「当然排球呢个题材已经非常高分，另一个考虑因素，就系因为我太锺意排球，所以会对剧本嘅期待更加高，同埋我都会有担心，好怕自己咁锺意嘅一个题材，如果拍得唔好，假设个剧本唔够好，我会唔会有遗憾呢！？」



Stephy对上一次拍港剧已是03年拍TVB的《恋爱自由式》，她直言感觉相差好远，「其实都几得意，对上一部电视剧都系运动题材，讲游水，但系嗰阵时游水题材唔系我叻嘅嘢，而今次系自己识，比较叻嘅嘢，嗰个感觉好唔同，同埋嗰阵时第一年入行就拍，未识得enjoy呢件事，其实好好玩，一班后生仔女，题材又热血，见番佢哋（年青演员）好似睇番我以前咁，可能呢个世代嘅年青人比较早熟，佢哋好成熟，冇我哋嗰阵时出道咁傻吓傻吓，好单纯乜都唔识。」

开心同妈咪齐煲剧


讲到同一班年青演员合作，Stephy笑言因一时间要记大量男仔，加上比较慢热，要一段时间才能跟他们熟络，「佢哋咁多个男仔，我又要记真实个名同埋戏里面个名，真系花咗好多时间对番边个系边个，我都好明白人哋以前Cookies点样记我哋，原来几辛苦㗎！哈哈！拍咗一半佢哋开始够胆撩我，知道佢哋终于唔惊啦！笑场系正常嘅，我哋呢个戏又比较轻松，譬如我哋成日笑Edan（吕爵安）讲嘢讲得好快唔清楚，开头唔熟我都唔敢出声，后尾都开始笑佢。」提到肥仔（梁业）煞科时问她攞电话，仲将过程拍片放上网引起好大回响，她笑言唔明只得肥仔够胆，「唔知肥仔有冇share畀佢哋，我觉得好搞笑，我其实冇乜所谓，大家拍完都系朋友，但系佢攞咗电话都冇搵过我，哈哈！」



年初拍该剧期间，撞正疫情高峰一度要停拍，Stephy都担心影响大家情绪不连剧，幸好大家都好专业，不过正因疫情Stephy工作计划都推到明年，反而因祸得福可以同妈咪一齐煲剧，「我好期待可以煲剧，尤其是我咁多年冇喺香港拍电视剧，咁多年后终于可以喺电视煲吓自己剧。（好新鲜？）对于我妈咪嚟讲都好新鲜。」讲到男友王子，Stephy话对方一定会支持，「我谂上网睇到嘅，当然可以一齐睇会好啲。（系咪安排紧来港？）都有谂紧嘅睇吓咩时间最适合。（咁耐冇见会唔会留长啲时间？）都唔系我哋话事，隔离都要成个月，要咁长时间都要睇吓工作安排。」