与黄贯中合作获赞专业　邓丽欣出山为新剧主题曲填词

邓丽欣（Stephy）近日为主演ViuTV剧集《男排女将》的主题曲《著地》亲自填词及主唱，更破天荒邀得大师级音乐人黄贯中（Paul）作曲及担任歌曲监制。早前，Stephy到Paul的录音室为歌曲进行录音，对于二人首次合作，她坦言十分紧张：「第一日知道要同Paul合作已经好紧张，仲要我自己写词，好惊畀佢Ban我啲词。中间我哋都有沟通过首歌要点唱，过程中我都好惊自己用词不当，唔识用音乐语言同佢沟通。」Paul即笑谓：「唔好讲到我好恶咁喎，哈哈。我记得我有问过Stephy『呢两个字系咪差少少音？』，点知佢话『冇呀，我唔觉喎』。佢一啲都唔惊我，有时会同我争论吓，有交流先好呀，唔系我话乜就乜。」

Paul又不忘大赞Stephy专业，录音进度比原定预计时间更快完成：「证明掂先会早收工，Stephy比我想像中好好多，我冇必要擦鞋，真说话嚟，佢好舒服地录晒成首歌，冇需要逐句逐句录。」已有7年未有填词的Stephy，今次为《著地》再度「出山」，她说：「其实都有考虑过好唔好自己写词，最后因为自己系套电视剧嘅主角，冇人比我更了解个角色，尤其系排球题材，我觉得自己写返份词最合适，同埋主要系因为冇钱搵填词人，帮公司悭返笔钱，哈哈。」

谈到受疫情影响，Stephy经常「Work from Home」，在家中有更多时间创作音乐：「因为疫情多咗时间喺屋企，睇多咗书，灵感都会多啲，好似呢首歌词只系用咗一晚时间就写到。另外自己都开始练返好耐冇弹嘅钢琴，都试紧作曲，但只系有节奏喺个心到，未将佢哋拼接埋一齐。」在录音工作接近尾声时，Paul的爱妻朱茵亦亲临现场探班，大赞Stephy唱功了得，在旁的Paul就向老婆撒娇笑说：「我呢？赞埋我啦！」