【独家】搏一铺踏出温室玩《造星III》 叶巧琳享受迫到尽红星式通告

叶巧琳（Mischa、昵称阿Mi）入行8年，由3人组合Trekkerz到单飞发展，都先后出过专辑，最近毅然参加ViuTV育星真人骚《全民造星III》。Mischa直言13年加入乐坛开始，一直被公司保护在温室，今次搏一铺跳出安全区，虽然过程辛苦，面对自己不擅长的事，迫到尽头反而看到自己的进步，更笑指好享受每日排到密麻麻如红星一样的通告工作。采访：杜淑霞

最初跟公司商量参赛时，Mischa曾经犹疑过，「我系惊㗎！大家都知呢个节目几严格，我接唔接受到呢啲意见呢！？谂真啲我唔理得咁多，导师嘅指导我会听，但其他好似网民嗰啲，作为艺人都要接受，总会有人唔锺意你㗎嘛！只要做好自己，就唔使理咁多嘢。」



Mischa坦承入行到现在成绩未如理想，唯有拿出大量勇气去试一次，「真系尽地一煲，搏一铺，真系讲到自己想喊！咁多年一路都好似差啲差啲，就算啲歌有人识又系差啲咁，所以好想透过今次比赛带番自己啲歌畀大家认识，我目标好想喺节目度唱自己嘅歌，我唔需要赢，但至少认识真实嘅阿Mi罗！以往上台唱首歌或者参加好多音乐骚，但大家冇认识真实嘅我，我谂呢个节目系一个好好嘅平台，畀人睇到我好多唔同嘅一面。」

好开心畀人鞭策

自知跳舞是弱项的Mischa，在节目催逼下亦觉进步不少，「以前公司会好保护我，好似《水舞间》嗰时跳啲舞系度身订造，𠵱家我都可以几日就学到只舞，虽然唔系跳得靓，但起码做到，原来成功系迫到你去到尽头，喺唔舒服位置嘅时候，你就可以成长，之前我真系温室长大，好多嘢都就住我情况，𠵱家好开心畀人鞭策，我8年嚟都太舒服，呢个系个好好嘅成长。」



虽然现在每日排练好忙，但Mischa视为一个训练过程，会好好享受，「由第一日开始训练自己做啲唔擅长嘅嘢，我觉得系一个训练嚟，虽然系辛苦嘅，每日都排满晒，但系好享受好似做一个红星嘅生活，每日瞓得几个钟，以前就算出歌都唔会咁密集，𠵱家真系好充实，几开心几享受呢个充实，每日朝早7点起身已经好安慰好开心，成件事觉得玩落去系enjoy嘅！」