【独家】陈蕊蕊探灵爆喊要腰斩节目 KB李健宏做人正气唔怕鬼
2020-11-18 22:23 
十年前凭YouTube大整蛊节目《玩爆你个肾》而爆红的李健宏（KB），由鼓手踩入幕前，最近搞埋坏人制作中心，杀出一条新血路。KB喺疫情下冇畀自己停，继续制作网上灵探节目《又要睇又要惊》，日前KB带理嘉宾陈蕊蕊去咗瀑布湾探灵，KB亲自落水超渡亡魂。采访：方骞平
网上灵探节目《又要睇又要惊》两年前拍第一集，当时只系喺万圣节去山顶荒废屋取景，点知就一直玩落去。日前大队去咗日治时期「乱葬岗」瀑布湾探灵，KB话呢度发生过多宗离奇意外，甚至有富家女放狗堕崖，所以有唔少灵异传说。当晚因为打风，天气唔系好稳定更添迷幻，原先想过去当年日占时期用嚟做军事暸望台嘅废置石屋，因水涨都去唔到，大队唯有留返喺石滩拍摄。
师傅先为KB同蕊蕊点起香蠋，播住日文鬼歌《笼中鸟》做招魂仪式，跟住两人一边烧衣纸，一边透过磁场探测机跟灵界「沟通」，探测机隐约传来讲英文、讲广东话，成人及小朋友对话，吓到蕊蕊唔敢向后望，猛话对唔住打搞晒，而KB就淡定得多，继续对住探测机发问问题。之后师傅掟完西瓜落水后，便用红绳绑住KB腰间落水做翻盆仪式超渡亡魂，蕊蕊则在岸边打鼓。当晚头重重嘅蕊蕊心慌慌：「其实我一直都唔做灵异节目，唔知点解上两星期竟然答应KB拍，嗰次去咗一间荒废咗嘅老人院，喺招魂仪式后Feel到个头剧痛，爆喊话唔想再拍落去。」KB形容蕊蕊好渣：「佢喊到崩溃，第一次有嘉宾咁激动要腰斩个节目，其实我好正气，又冇害过人就唔使担心，我觉得鬼唔恐怖，人先至最恐怖。」
最新回应