离开效力多年TVB 范振锋疫情影响同李思欣造人大计
2020-10-03 10:00 
范振锋（阿范）早前宣布离开效力多年的TVB，日前他接受香港开电视主播马梓轩专访，分享离巢后心情，「我喺8月底离开，事前旧公司有同我倾续约，当时我问有冇咩工作可以延续落去，但佢哋都话暂时冇，所以决定离开。自己又冇唔开心嘅，因为我唔系全职净系做一份工，所以唔会令我好担心疫情下冇咗主要收入，又或者怕影响生计。」
虽然阿范身兼多职，有电台DJ、电影监制等工作，但疫情下，阿范坦言收入大减，「疫情开始至今，少咗7位数字收入！好彩我同老婆都系好悭嘅人，平时都系睇戏食饭，𠵱家旅行都去唔到，出街食饭亦少咗，所以我已经好识用网上外卖平台，好精明一睇就知边间最抵食！不过都感恩电台、娱乐公司都可以继续keep住有份人工畀到我。」
问到疫情下，会否影响与太太李思欣的造人大计，阿范笑言：「以前就觉得顺其自然，𠵱家就冇咁自然，哈哈！因为除咗担心疫情，个世界好似好恐怖同混乱！另外就系实际问题，原来疫情真系可以令人冇工开、零收入！自己可以慢慢捱，但如果生个小朋友，佢可能仲辛苦仲惨，所以都令我同太太有啲却步！」
關鍵字
最新回应