【获TVB星梦放生】爆获斟转签1年6骚年袋万二　林师杰：如何接受呢份恩赐？

从TVB节目《超级巨声》出身、人称「木偶哥」的林师杰，早前传受太太欧阳巧莹的政见所累遭无綫冷待，令他的工作量锐减，故已跟TVB提早解约。对此，一直未有亲身回应的师杰，今日终于在IG正式宣布回复自由身，他写道：「多谢大家关心，今日终于正式结束同TVB+星梦嘅宾主关系！呢十一年黎（嚟）听得咁多嘅一句说话：『你几时出歌呀？』呢句每次听到个心都那（乸）住那（乸）住痛，其实唔系唔想出，系冇得出，自己写埋写埋至少十几廿首喺牀下底，谂点样蒙面出歌，谂左（咗）五年，做现实中嘅木偶哥。旧公司向我提出转签6 show合约，即意思一年保证有万二蚊收入，虽然连一个月租金都不够，但确实有如上天恩赐，我万二分感激！我今年三十二（岁）有家室，请问如何接受呢份恩赐呢？十一年前参加比赛立志做歌手，十一年后重新出发做独立歌手，会迟吗？要老婆陪我一齐捱穷，辛苦你了！2020年6月24号，香港独立歌手 — 林师杰 #alwaysAThome」

听见转签「1年6骚」年袋1万2千蚊的要求，不少网民都替师杰不值，大家都鼓励他转战ViuTV或社交网，仲赞他：「有风骨的人，加油」、「大把人离开TVB捞得更好」、「有心唔怕迟」、「相信有能力嘅人去到边都能够发挥所长」等，又问追他：「系咪即系就嚟有歌听？」随后，太太欧阳巧莹亦于个人IG中寸爆表示：「由我离开TVB至今，无论私下定公开，一句不是都冇讲过，因为我真系唔想再同佢有关系，但今日我想讲一句，多谢放生我老公，不过请收番起你哋嘅恩赐，我哋会过得好好！」并谓解脱，跟老公一齐去打工！