曾向鲍起静罗兰借钱渡难关吴浣仪靠拍剧还债养大仔女

2020-09-09 10:00

吴浣仪日前应好友苑琼丹邀请，亮相香港开电视节目《开工大吉》，畅谈多年演艺生涯的点滴。浣仪姐话其实年轻时「喜爱夜蒲」，更即席向苑仔示范舞，：「苑仔话我嗰样老老实实，但佢唔了解后生嘅我，当年我都系会周围玩，收工要去『蒲』㗎，去饮嘢、跳舞之类，跳得好劲𠻹，我系锺意去玩！年青时有人赞我几靓，加上读书时有做过舞台剧，觉得自己锺意做戏，见到电视卖广告，又冇咩做咪试吓考训练班，谂住唔得㗎，点知又过晒关，所以话真系整定嘅！」

浣仪姐直言入行初期，出演闲角扮茶客，两个月后便接拍有份量角色迅速走红：「因为我以前又曳又恶死，所以角色都叫做番我自己，好自然就发挥到罗！去到1975年我因为『嬲』而离开电视台，当年都算年轻，做咗两年突然搵你做啲闲角，加上唔小心NG就会有说话听『唉，冇船过海啦！』而我又刚开始拍拖，咁咪唔鬼做罗！」她表示爱情成为离巢推动力，令她冲动到拒续约，「当年另一半都冇话养起我，但拍极都系闲角，由朝等到晚都未埋位，阻住我拍拖嘛！总之都系任性啦，做嘢冇谂过后果，跟住就转咗去佳视，点知最后执埋，咁我咪走去结婚罗！」直到丈夫患病，一边照顾家人，另一边厢拍剧养家，成为浣仪姐人生最艰辛的日子，「当时真系唔做唔得，仲要问鲍姐（鲍起静）、罗兰姐借钱过难关，要拍剧还债！不过我好得意，自身嘅事唔会点喊，要面对罗！后来丈夫过身，好在一直都有戏拍可以养家，当时好忙都冇时间理啲子女，但好在佢地𠵱家都好OK！」