【独家】激赞陈欣妍靓女冇架子乔宝宝「葡萄」女神被夺银幕初吻

2020-09-29 23:15

定居苏格兰嘅乔宝宝返咗香港个几月，拍完电影《时代》及中印独立电影《我男友系好差》，赚咗一袋金后，日前平安返抵屋企「慰妻」喇！今次宝宝返港最开心有机会同「女神」陈欣妍合作拍电影，「佢靓女又好笑容，仲冇架子，好Pro，喺佢身上搵唔到负面嘢，导演真系好有眼光！」被激赞嘅陈欣妍(Shirley)面红红，话要同宝宝上契做父女喎！采访：方骞平场地：THE STADIUM@兴业街

《我男友系好差》系一部筹备咗两年嘅独立电影，讲述一个中国籍少女同印度男孩喺香港发生嘅爱情故事，并带出香港及印度独有文化。乔宝宝最难忘系配合南印度家庭习俗，有场戏要用手去食咖哩饭，令他唔多习惯，反而Shirley演得好自然。Shirley即说：「其实我唔Pro，只系平日习惯用手拎嘢嚟食，咁拍前先消毒双手嘅。」

拍亲热戏唔使同男友备案
而陈欣妍最难忘献出银幕初吻：「嗰场戏讲要同成家宏（Karan Cholia）Goodbye Kiss，我喊到流晒眼泪同鼻涕，咁嘅样都嚟锡我，佢更加专业啦！」Shirley冇畀男方嘅胡须拮亲，反而觉得有须嘅男人好Man，拍前亦唔使同男友沈震轩备案，因为工作系专业嘅。而成家宏就赞Shirley几好锡，在旁嘅乔宝宝带点葡萄说：「佢有好多宅男Fans㗎，你因住被打呀！咁靓女，就算流晒鼻涕，十个男人有十个都肯啦！我拍戏以嚟，只系喺《张保仔》锡过黄智雯只脚咋！」至于导演Sri Kishore就大赞Shirley似邻家女孩，最啱演呢个角色。