预祝李蕙敏「入五」 51岁张可颐chok住摆港女甫士

2020-09-30 10:00

于10月4日李蕙敏（Amanda）正式「入五」。喺新冠肺炎疫情下，Amanda留港凑住两岁养子Michael，甚少外出。不过，于生日前夕就放肆一吓，撇低英籍老公Serge及囝囝，应张可颐（Maggie）及几名友人邀请，提前为她庆生，展开今年生日首餐生日饭。

昨日Amanda喺IG开心share庆生相，见相中她跟张可颐及3名朋友，喺维港夜景下写意地享受晚餐，Amanda更留言答谢好友：「谢谢好友的美意，舞台剧《但愿人长久》造就了我们的友谊！第一顿生日饭，身心皆丰盛（系一定会更丰满），太满足！」原来去年她演完张之珏执导嘅舞台剧《但愿人长久》后，就跟Maggie做咗老友，仲不时约会。

51岁嘅张可颐单晒眼，大摆港女甫士，好有少女心。至于着住红色衬衣加烈焰红唇嘅半百寿星女Amanda都保养得宜，骤眼睇唔出快到25对了。