乔嫂嫂「喂」饱老公「幸福肥」乔宝宝迫亲隔离位乘客

2020-09-15 12:00

现年51岁的乔宝宝于今年3月离开香港，往苏格兰与早已移民当地的家人团聚，但短短5个多月，他难顶戏瘾返港拍电影《时代》及中印独立电影《我男友系好差》，完成手上工作后，昨日乔宝宝又起程返去「交人」，兼且赶返去同细仔庆祝牛一。他喺社交网站上戴咗一张位于航机经济客舱内嘅照片，相中戴住帽子、口罩及眼镜嘅宝宝坐喺中间座位，左右都被两位男乘客夹实，骤眼睇都坐得有啲迫夹，飞长途就真系坐得有啲唔舒服喇！

乔宝宝用英文留言：「好快可以见返美丽嘅香港。返紧我第二个家乡苏格兰嘅途上，抱歉，我又大只咗啲，搞到两个乘客要左摇右摆！」

咁又系嘅，过住半退休，冇忧冇虑嘅乔宝宝愈嚟愈幸福肥，睇返之前TVB重播剧《高朋满座》，13年前嘅乔宝宝身形比𠵱家瘦足两个码，目前体重超过200磅，唔使谂，梗系乔嫂嫂伙食太好。不过，乔宝宝唔系大食懒，佢反而好恨有工开，留言话：「好快可以见返美丽嘅香港。」估计系短期内再拆返，大家好期待宝宝开心回归。