女神转战《姊妹淘》长腿陈诗欣斗滑髀蔡嘉欣继续派福利

2020-08-28 13:00

《3日2夜》一直系TVB其中一个王牌节目，可惜受新冠肺炎影响冇得飞，样靓身材正嘅《3日2夜》女神唯有转战《姊妹淘》，惹火身材依然大派用场。噚日陈诗欣（Eunice）及蔡嘉欣(Kayan)分别喺IG大晒泳衣相，两人拍紧《姊妹淘》时不忘派福利，吸引一班宅男粉丝心心眼，猛赞好靓！

现年27岁，拥有32C、23、33.5美好身材嘅「长腿小花」陈诗欣（Eunice），凭《3日2夜》节上位成功。虽然噚日上载嘅侧身一件头泳衣好密实，但45寸超级白滑长腿劲吸引，唔知有心定冇意，相中Cut走咗脚趾部份，她留言：「姊妹们最锺意的无边际泳池，打卡成功#夏日好去处#staycation#留意姊妹淘」Eunice使出长腿「杀手鐧」呢招冧晕一众宅男粉丝，睇到流晒口水留言：「3点式呢？脚趾呢？」、「个个都唔着三点式，有冇理我地感受㗎~~~」、「求正面」。

至于身穿火红色一件头泳装嘅蔡嘉欣，翘脚背向镜头，只骚滑背及髀位，她留言：「#姊妹淘今日又在搞什么#唔记得带防晒」网民即留言：「无防晒都唔变黑？」、「索女嘉欣何时何地，你都咁fit」、「你搞了我流鼻血」、「靓大髀」！