【迎月】为爱犬贺寿晒人猫狗团圆温馨相蔡卓妍男友石恒聪唔见影

2020-09-30 11:00

蔡卓妍(阿Sa)等待3年嘅《圣荷西谋杀案》终于上映，虽然系有压力，但今时今日咁有人生经历嘅阿Sa能轻轻松松面对，尤其家中5只得意小狗同1只可爱小猫，最帮到她减压。

阿Sa一向爱锡动物，养狗又养猫，一室毛孩变咗动物园，屋企相当热闹。听日就系中秋节，昨晚阿Sa为年老爱犬「月饼」、「冰皮」、「碌柚」贺寿，并喺IG晒人猫狗团圆温馨大合照，不过，男友石恒聪就冇影。阿Sa留言：「月饼，冰皮，碌柚14岁大寿，14岁等人类的69岁，#时光飞逝但愿它们健健康康#继续衣食无忧#特登带埋呖咕嚟同佢哋贺寿#被热情的哥哥吓亲#阿妈唔易做#要佢哋全部望镜超难。」

相中猫狗东张西望周围走，大合照只能影到4狗1猫，「茘枝」成日冇咗影，反而「冰皮」最乖肯面对镜头，约瑟「栗子妹」就相当省镜，而爱猫「呖咕」置身狗狗群，睇落就有啲惊青。原来除咗「栗子妹」仲细，其他狗狗全部都有白内障，但从外表同扮相一啲都睇唔出有老态。网民大赞阿Sa照顾得好好，全部都好幸福呀！老年犬只只仲好cute。最搞笑有网民留言话：「跟住小富婆阿Sa梗系衣食无忧啦！」另外，亦有人关心猫狗能否相处得来。