【独家】首合作玄学节目一拍即合　李丞责伍咏薇镜头前后狂斗嘴

近日，堪舆学家李丞责博士跟伍咏薇（伍姑娘）齐为myTV SUPER 1台新玄学节目《有玄就有机》任主持，首次合作的二人一拍即合，由镜头前斗嘴斗到镜头外！面对细自己一年的伍姑娘，下月便52岁的李博士居然搞笑扮细，自言小学就睇对方有份演出的草蜢名曲《失乐园》MV，即被伍姑娘反击指他锺意睇她着Bra(编按:伍姑娘在MV中穿Bra上阵)，伍姑娘更乘机「公器私用」迫李博士免费为她算命，搞到一向转数快、口才了得的李博士都冇晒符，认真爆笑！采访：李维隆

李丞责博士与无綫港姐、小花及金牌司仪合作就见得多，今次为全新玄学节目《有玄就有机》搞搞新意思，跟一向牙尖嘴利的伍咏薇拍住上做主持。该节目于昨日（29日）起，逢星期二晚11点在myTV SUPER 1台播映，日前《头条日报》率先深入拍摄现场，直击两位Talk得之人首次合作的实况，估唔到咁火花四溅喎！

由细睇到大
受访时，李博士先打趣道：「我细细个就睇MV，好似《失乐园》嗰啲，睇咗伍小姐好耐，但未有机会同佢合作。」伍姑娘闻言抵死笑谓：「哦哦！我啲歌（MV）佢又唔睇嘅，我唱《失落于巴黎铁塔下》就唔睇嘅，佢睇《失乐园》，即系锺意睇啲戴住Bra同草蜢拍嗰啲呀嘛？」李博士即爆笑诈傻说：「系咩？冇留意到喎，唔系泳衣嚟㗎咩？」翻查《失乐园》MV，伍姑娘确实系着住件喱士黑Bra同蔡一杰缠绵，最后伍姑娘搞笑称：「我哋系平行时空长大嘅，想话我老！」岂料李博士呢头否认寸对方年纪大，转个头再补一枪：「我嗰阵时差不多小学，哈哈！」

𢱑免费测名
记者笑指两人镜头内外均如欢喜冤家，未料李博士继续「狙击」伍姑娘，他笑谓：「其实都系伍姑娘嘅真性情，我都系尽量配合，好多时我都好忍让，冇办法啦，话晒前辈嘛。」最终伍姑娘都「跪低」说：「唔紧要呀，我系前辈！」不过，她补充对方其实好玩得、好有幽默感，但碍于镜头上要表现出玄学师傅的专业形象，所以自己就成为轻松及年轻化的担当，令观众睇得更投入和开心，伍姑娘续道：「师傅好包容，有时我讲笑话，佢都由得我，我哋合作好愉快，愈嚟愈有火花。」提到节目中乘机搵李博士测名，希望助旺桃花与事业，无奈对方以「要收费」为由拒答，伍姑娘借访问时于镜头前「施压」：「希望佢唔收钱答我呢啲问题，你应唔应承呀？」李博士焗住答：「绝对冇问题……喺镜头面前。」场面爆笑！