【独家】新剧升呢第二男主角 马贯东获鼓励朝好演员努力
2020-07-06 23:00 
入行10年的马贯东，最近在剧集《那些我爱过的人》终于有机会升呢第二男主角，但因戏份重令他紧张外，角色「古希晨」有亚氏保加症（自闭症一种）又是个医生，使他要花更多时间做事前准备。对于自16年凭《爱·回家之八时入席》「十仔」一角获提名「飞跃进步男艺员」后，演出机会愈来愈多，阿东对于受重视感到很大鼓励，会继续努力做个好演员。采访：杜淑霞
为了演活「古希晨」，阿东事前下了不少苦功，「监制安排咗我同几个亚氏保加症患者见面，我带佢哋参观电视城，同佢哋食饭，又同佢哋倾咗好多嘢，对呢个病了解多咗，又睇好多书了解呢种病，希望做出嚟效果神似，最重要系唔好令人对呢个病有误解。另外，演医生都要背好多专业名词，呢方面都唔容易㗎！」
一切由「十仔」而来
剧中阿东跟连诗雅首演夫妻，他虽然跟「老婆」首度合作，但过程相当愉快，「佢虽然成日话自己拍剧经验少，但系佢演戏经验好多，所以好容易夹得嚟，唔会好难沟通。」反而初次跟前辈林文龙合作，令阿东十分紧张，「我哋之前完全冇合作过，感觉佢好严肃，见到面觉得佢气场好劲，但相处落其实佢好讲得笑，又会好配合后辈，系个好好嘅前辈。」
阿东16年凭《爱·回家之八时入席》「十仔」一角获提名「飞跃进步男艺员」
后，之后再凭《爱·回家之开心速递》「秦博思」提名「最佳男配角」，令演出机会愈来愈多，他坦承确实是很大鼓励，「其实由《铁马战车》嘅『扬明』，到《爱·回家》嘅『十仔』都好多谢观众嘅喜爱，特别系『十仔』真系带畀我好多得着，开始多人认识咗，亦都多咗机会，呢啲系好正面嘅鼓励，我会努力向住做个好演员去行。」
最新回应