爆《爱·回家之开心速递》幕后花絮　吕慧仪开心扮老虎蟹

吕慧仪（阿蟹）17年开始拍《爱·回家之开心速递》演「熊若水」，一直拍得好开心，仲同一班演员拍档个个做晒老友，仲传埋同张景淳绯闻。呢日阿蟹又晒拍摄开心事，话说新一集一班主角好似韩国片《兽头救兵》咁，都要扮晒动物演出，原来镜头后一班演员都唔觉得辛苦，仲好似细路咁玩，阿蟹当然系其中一个，她更一连两日贴出拍摄花絮，自称「老虎蟹」的她，虽然话件老虎衫好重好焗，但都留言：「拍开心速递，系好开心嘅。」之后一日阿蟹再写道：「熊家动物园，玩得好开心。」不少粉丝睇完呢集，都留言赞好，又话：「超级精彩的一集，由头笑到尾」其实一班演员拍得开心又投入，观众自然睇得开心，难怪收视长期高企啦！