【独家】地狱厨神学厨箍另一半乐宜赞ERROR嘅肥仔好正

曾于《美女厨房》担任「美女学徒」的乐宜（前名洛儿），继早前参与另一饮食节目《辣伙头》后，近日又固定演出ViuTV节目《索女人妻ichi烹》，仲抛出34C胸跟黄天颐斗煮西餐。虽然入厨经验已累积两年，但乐宜的厨艺似乎冇乜进步，为做「Charm女友」，她表示会积极钻研煮食，箍住未来男友个胃！恨拍拖的乐宜还自言不再「外貌协会」，仲赞ERROR成员肥仔好正！采访：黎宝伦

之前于《辣伙头》火烧厨房的乐宜屡试屡败，今次在新节目中就整「西班牙蛋饼」，嘉宾ERROR成员肥仔和保锜大弹又燶又油，其后再挑战煮西餐，另一嘉宾王贻兴食完即吐落垃圾桶，「地狱厨神」之名的确不是流的，她尴尬地笑：「一半半啦，有时都觉得煮岀嚟好食嘅，我最叻煎牛扒，睇色泽5成、7成熟啱啱好，都合格嘅。」既然厨艺麻麻哋，可会渴望找个厨艺了得的男友？乐宜则认为女仔识煮嘢会较吸引，亦容易留得住男人心，故自己会努力学厨，另一半在旁鼓励便可。

渣男磁石
谈到感情状况，乐宜不讳言希望多啲追求者，又自爆早前被师傅批多烂桃花，好易遇渣男，搞到她也心惊惊，即刻改回本名「乐宜」。笑问有否遇过热衷「多人运动」的渣男？她说：「咁又冇，只系遇过比较花心。（劈腿？）睇到佢突然有Message弹岀嚟，但我冇摊牌，因为唔想面对，好惊好慌呀，所以我会走。」做夜场DJ的她又谓不会在夜场搵男友，希望找个阳光男孩。那么恨拍剧的她想跟哪位男神合作？乐宜笑道：「之前想同靓仔男神黄宗泽合作，𠵱家又想向搞笑方面发展，所以好想同ERROR合作，我好锺意肥仔！细个锺意6嚿腹肌，但大个发现肥仔肉肉哋都几好，佢识搞笑代表佢EQ、脾气都好。」