微博Fans人数下跌 半裸吴镇宇着泳裤放狗「吸粉」

好多艺人都有好多社交平台，例如Facebook、ig同微博，大部分都一鸡三味，即系三个平台Post嘅嘢都一样，不过，写ig同写微博好明显系两样嘢，你写广东话，内地Fans未必睇得明，但亦有艺人冇ig得微博，咁就易搞好多，如吴镇宇，佢仲好识得运用内地潮语，58岁嚟讲都算好学。

寻日佢就贴咗张放狗相，重点系佢个装束，就系得条好似泳裤咁嘅东西，好短好贴，半裸上身加两条腿光脱脱，其实都几罕见，点解佢要贴张咁嘅相?佢话，「我开始掉粉了，赶紧补救！ ​​​​」之后佢再加多两钱肉紧，「我读书少，不要骗我！放费曼(佢个仔)照真的可以涨粉吗？ ​​​​ ​​​​」又掉粉，又涨粉，真系好多粉。