卧病牀煲旧作《老表》笑爆嘴　细细粒入院呻36小时无食嘢

「重量级」艺人细细粒（陈嘉佳）早年曾公开体重达230磅，仲扬言不会刻意减磅，继续享受生活，所以经常于社交网晒美食照，不过，上月中趁端午节才贴出妈咪「爱心靓糭」的她，唔够两个礼拜便「入厂」了！细细粒今日于IG上载了几张相，身在医院的她手背插上针，并卧病在牀，其中一张相更影到其手臂长满红色点点，未知想表达患皮肤病？抑或插针插到又红又瘀呢？细细粒写道：「陈小姐阿，你要健康D（啲）啦，好耐无试过36小时无食野（嘢），麻烦等阵整个九大簋比我食。 #好肚饿 #好好肚饿 #好好好肚饿」不少圈中好友都留言慰问，吴沚默、刘思希亦纷纷问她乜事？细细粒仅回覆：「Check紧。」

其后她再更新IG，又贴出在医院睇主演剧《老表，你好hea！》，细细粒笑谓：「系（喺）医院睇老表，笑到隔离牀系甘（咁）叫细细粒，又系一次重温老表你好Hea」她仲跟电视机中的自己Selfie，好在见细细粒都几精神，应该身体冇乜大碍啩。