孖住谢芷伦勇闯飞鹅山 36E陈婉衡山顶晒蛇腰蜜桃臀
2020-05-14 12:00 
36E「无綫咪神」陈婉衡(Alycia) 孖住先前喺热播剧集《法证先锋IV》瞓入真空尸袋嘅谢芷伦（Jan），一齐做娱乐新闻台节目《行山少女》。两人身穿运动装，喺炎炎夏日齐齐挑战极难行嘅飞鹅山，两人行到烚烚㷫，就索性除低件外套，分别喺山顶一块大石险要位置，打卡影靓相，虽然Jan仅得运动bra衬贴身长运动裤，却不敌身穿紧身运动服Alycia，Alycia展露蛇腰与激凸蜜桃臀劲抢fo，唔少网民睇到心心眼，大赞她真系好fit、好性感。
两人影相位置相当险要，居高临下，睇见到牙烟，所以Alycia先戴「头盔」留言：「最好嘅视野系要经过最艰难嘅攀登，但其实照片嘅角度比实际冇咁可怕，因为下面有另一块大石头。不过，远足时请多加注意，唔好冒险去影相，要注意安全！」网民就戥她惊，提醒她，在欣赏风景时，亦都要顾及安全。甚至有人留言：「你好大胆啊！靓女要出名，都不需要咁做。」
至于展露小蛮腰嘅谢芷伦冇Alycia咁淡定，她留言：「来到山腰，爬岀去影这张相时，我已经有d脚软。」好彩赢得网民赞好，指她，Pretty girl、人同景都好靓，唯独有网民豪不客气质问她：「著到咁搏乜？」
關鍵字
最新回应