【支持领养】捧囡囡RABU做网红　吴业坤宣布做「猫奴」

吴业坤（坤哥）昨晚于Instagram（Ig）正式宣布做「猫奴」了！他留言：「细个一直好想养宠物，无奈屋企同经济环境唔许可，到出嚟做嘢阵又无时间同精力，之前终于下定决心去领养，多谢咁多朋友去帮手同介绍，仲有SPCA嘅同事非常细心协助，本身谂住返到嚟等佢定啲熟啲先同大家见面，点知佢仲厚面皮过我，第一日就唔客气当咗自己屋企。好！我会努力去做一个好主人（？）佢自己改咗个名叫ラブ，读法系RABU（啦呠），系日文入面解Love（扮晒嘢）#ngyipcat #领养代替购买」并上载了多张初生「主子」RABU的玉照，一众网民及圈中好友龚嘉欣、梁丽翘等也纷纷叫他做个好爸爸。其后，坤哥仲好快帮RABU建立咗自己的Ig帐户，看来他想捧囡囡做网红，等自己做「星爸」喎！

此外，一向是爱狗之人的江美仪上月中亦自爆做埋「铲屎官」，她于Ig留言：「从来都唔锺意猫嘅我，终于堕入情网，领养了一位新成员，佢就系Tasha啦（其实我都未知佢系男定女），而家我连中3T啦！哈哈！」后来看过医生后，美仪公布：「系女仔嚟㗎！」日前，她还替Princess Tasha买了个公主帐幕牀，非常豪华，又笑谓：「公主是这样练成的。」真系宠到猫B上天！