【头条独家】《识玩2》派香艳福利贺年 陈婉衡晒36E益观众

武汉肺炎肆虐，好多人都减少外出，最好安坐家中睇「咪神」陈婉衡(Alycia)新春大派福利。事关嚟紧周日晚，佢同尤荫荫喺《识玩旅行团2》压轴篇中会穿上性感泳衣亮相，凸显36E最强「胸器」，大家关注疫情及疯抢口罩同时，火辣辣嘅Alycia都可以帮到大家松一松，醒醒神。至于本周六晚嘅《3日2夜》，佢就会同简淑儿(Jessica)游走英国贝尔法斯特㗎。采访：方骞平

第二辑嘅《识玩旅行团》压轴篇交波畀区永权、陈婉衡、尤荫荫，节目中Alycia会介绍珠海一间酒店，当然唔少得亲身体验酒店内的室内暖水泳池，三位主持人同时扑落水，令节目生色不少。陈婉衡说：「今次我哋去咗广州三江自治区、珠海及澳门，但行程好难忘呀！因为天气不似预期，突然冻到得返几度，搞到团友们要喺当地买外衣、颈巾同手袜保暖，好彩泳池系室内暖水池唔会太冻。最值得一赞系今次行程安排得好好，我哋先拍晒泳装镜头，打后的全部系『食好西』，咁就冇后顾之忧，而且最正系泳池隔离系健身室，我哋着住浴袍最后冲刺，不停咁加操，要以最Fit姿态示人。」

自爆有乳贴防护
当日陈婉衡穿上粉色top，丰满上围「呼之肉出」，尤荫荫明显比下去。Alycia说：「唔系呀！荫荫着嘅红色比坚尼好靓，我嗰件唔系三角bra top款，相对比较安全同保守，曾经试过走光，经验之谈，为咗工作会拣件稳阵泳衣，仲要加埋乳贴嚟做最后保护防线，始终泳衣块布好细，大啲动作都唔安全。因为每人身形唔同，最紧要搵件fit身嘅，我对自己身形要求比较高，话晒系一个健身教练，唔能够拆自己招牌嘛。」讲到新年愿望，Alycia除咗希望自己同家人都身体健康外，今年有几个健身project，希望可以顺顺利利。