孖住謝芷倫勇闖飛鵝山 36E陳婉衡山頂晒蛇腰蜜桃臀
2020-05-14 12:00 
36E「無綫咪神」陳婉衡(Alycia) 孖住先前喺熱播劇集《法證先鋒IV》瞓入真空屍袋嘅謝芷倫（Jan），一齊做娛樂新聞台節目《行山少女》。兩人身穿運動裝，喺炎炎夏日齊齊挑戰極難行嘅飛鵝山，兩人行到烚烚㷫，就索性除低件外套，分別喺山頂一塊大石險要位置，打卡影靚相，雖然Jan僅得運動bra襯貼身長運動褲，卻不敵身穿緊身運動服Alycia，Alycia展露蛇腰與激凸蜜桃臀勁搶fo，唔少網民睇到心心眼，大讚她真係好fit、好性感。
兩人影相位置相當險要，居高臨下，睇見到牙煙，所以Alycia先戴「頭盔」留言：「最好嘅視野係要經過最艱難嘅攀登，但其實照片嘅角度比實際冇咁可怕，因為下面有另一塊大石頭。不過，遠足時請多加註意，唔好冒險去影相，要注意安全！」網民就戥她驚，提醒她，在欣賞風景時，亦都要顧及安全。甚至有人留言：「你好大膽啊！靚女要出名，都不需要咁做。」
至於展露小蠻腰嘅謝芷倫冇Alycia咁淡定，她留言：「來到山腰，爬岀去影這張相時，我已經有d腳軟。」好彩贏得網民讚好，指她，Pretty girl、人同景都好靚，唯獨有網民豪不客氣質問她：「著到咁搏乜？」
關鍵字
最新回應