复工北上拍《倚天》黄浩然隔离期无所事事

2020-05-13 12:30

喺疫情下，娱乐圈唔少台前幕后人员都食白果，等运到，演员有工开真系相当幸运，黄浩然属幸运一群。随着内地疫情缓和，王晶开拍嘅新版《倚天屠龙记》剧组亦告复工，片中饰演青翼蝠王的浩然前日北上为入剧组做定准备，不过因为中、港两地检疫问题，浩然和文咏珊（JM）一样必需在酒店隔离14天。不过，呢个时势有得搵人仔，就算忍受吓隔都好过冇得搵。

昨晚浩然喺社交网发文，相中身处酒店，戴住眼镜，一脸风骚咬住枝探热针，还留言：「隔离的第二天，每天两次量度体温！要搵啲嘢做下，大家有咩好提议？#黄仔的日常#隔离的日常」，郑秀文、周柏豪都畀手瓜表情符号叫他加油，曹永廉留言：「兄弟！顶住！」有网民叫他开Live，有人叫他煲自己剧、追韩剧、唱歌、打机、做运动、做小手作送畀太太，当中以叫他开live居多。

其实金庸巨著《倚天屠龙记》多年来一直不停被拍成电影、剧集，王晶去年尾宣布再翻拍，以延续其1993年《倚天屠龙记之魔教教主》。片中由40岁的林峯演张无忌；文咏珊系周芷若；刘浩龙饰宋青书；朱晨丽演殷素素；古天乐饰张翠山，甄子丹饰张三丰；黄浩然做青翼蝠王。而黄浩然嘅青翼蝠王造型就吓倒唔少网民，笑问黄浩然系咪得罪咗导演或造型师，搞到块面白晒咁大整蛊！