【头条独家】移居苏格兰同老婆日日散步乔宝宝「登五」冷清庆祝

2020-04-28 23:00

已移居苏格兰、与家人团聚嘅乔宝宝，本月23日踏入50岁，因为当地新冠肺炎疫情仍然严峻，所以尚未解除外出限制，乔宝宝只可留在家里庆生，宝宝笑说：「50岁生日过得好特别，阿妈话由我出世开始，未试过少于6个人同我庆生，今次得5个人。」采访：方骞平

返咗苏格兰个几月，宝宝表示生活得几好，一切都很顺利！但因为疫情关系，喺防疫措施下，除咗出街购买基本日用品及做运动等，一律唔可以离开住所，长留在家嘅宝宝都有啲闷：「喺香港做嘢做咗咁多年，而家陪返屋企人都OK嘅，所以成日喺花园陪细仔玩吓，每日食完饭同乔嫂嫂喺湖边兜个圈，都行成一个钟㗎，仲会轮流去放吓狗、帮自己同埋细仔剪头发，23年前我帮过大仔剪，嗰次佢嬲咗我一星期，反而细仔赞我手势好，仲畀手指公我。而到咗周六及周日系家庭日，之前就喺花园烧烤同我庆生，老婆负责煮、大仔买炉，我就负责食。」

退休生活等抱孙
宝宝生日当天，分别和加拿大、香港、英国及印度等地朋友以视像庆祝：「契姐黑妹姐话香港有嘢做一定预埋我，叫我耐心等候。」提到生日愿望，他即说：「脱离苦海，离开疫情，过返啲正常生活。𠵱家大仔、新抱都搵到份好工，我自由自在，只系等抱孙，阿仔话等疫情过咗先计划生B，始终新抱系医师，日日出入医院，而且佢哋唔兴戴口罩。」跟新抱同一屋檐下，宝宝话危险都冇办法，自言命里有时终须有！