星島日報

【頭條獨家】移居蘇格蘭同老婆日日散步 喬寶寶「登五」冷清慶祝

2020-04-28 23:00
寶寶「登五」冷清慶祝,喺當地他每日會同喬嫂嫂圍住湖邊散吓步。
寶寶「登五」冷清慶祝,喺當地他每日會同喬嫂嫂圍住湖邊散吓步。

已移居蘇格蘭、與家人團聚嘅喬寶寶,本月23日踏入50歲,因為當地新冠肺炎疫情仍然嚴峻,所以尚未解除外出限制,喬寶寶只可留在家裏慶生,寶寶笑說:「50歲生日過得好特別,阿媽話由我出世開始,未試過少於6個人同我慶生,今次得5個人。」採訪:方騫平

寶寶「登五」冷清慶祝,喺當地他每日會同喬嫂嫂圍住湖邊散吓步。
寶寶「登五」冷清慶祝,喺當地他每日會同喬嫂嫂圍住湖邊散吓步。
阿仔話寶寶大近視,所以送他一部70吋大電視作生日禮物,好有心思。
阿仔話寶寶大近視,所以送他一部70吋大電視作生日禮物,好有心思。

返咗蘇格蘭個幾月,寶寶表示生活得幾好,一切都很順利!但因為疫情關係,喺防疫措施下,除咗出街購買基本日用品及做運動等,一律唔可以離開住所,長留在家嘅寶寶都有啲悶:「喺香港做嘢做咗咁多年,而家陪返屋企人都OK嘅,所以成日喺花園陪細仔玩吓,每日食完飯同喬嫂嫂喺湖邊兜個圈,都行成一個鐘㗎,仲會輪流去放吓狗、幫自己同埋細仔剪頭髮,23年前我幫過大仔剪,嗰次佢嬲咗我一星期,反而細仔讚我手勢好,仲畀手指公我。而到咗周六及周日係家庭日,之前就喺花園燒烤同我慶生,老婆負責煮、大仔買爐,我就負責食。」

寶寶切住蛋糕以視像跟各地朋友慶祝。
寶寶切住蛋糕以視像跟各地朋友慶祝。
寶寶手持阿媽送的生日卡一臉滿足,原來入面有100英鎊利是(約1千港元)。
寶寶手持阿媽送的生日卡一臉滿足,原來入面有100英鎊利是(約1千港元)。

退休生活等抱孫
寶寶生日當天,分別和加拿大、香港、英國及印度等地朋友以視像慶祝:「契姐黑妹姐話香港有嘢做一定預埋我,叫我耐心等候。」提到生日願望,他即說:「脫離苦海,離開疫情,過返啲正常生活。𠵱家大仔、新抱都搵到份好工,我自由自在,只係等抱孫,阿仔話等疫情過咗先計劃生B,始終新抱係醫師,日日出入醫院,而且佢哋唔興戴口罩。」跟新抱同一屋簷下,寶寶話危險都冇辦法,自言命裏有時終須有!

寶寶得閒就同自己及細仔剪髮。
寶寶得閒就同自己及細仔剪髮。
生日翌日,寶寶同細仔去咗探住喺妹妹屋企嘅媽媽,因為媽咪要同佢慶祝生日。
生日翌日,寶寶同細仔去咗探住喺妹妹屋企嘅媽媽,因為媽咪要同佢慶祝生日。
因為抗疫生活太沉悶,寶寶不時拍生活片自娛,之前新抱生日,喺疫情下不便吹蠟燭,唯有轉用風筒,好搞笑!
因為抗疫生活太沉悶,寶寶不時拍生活片自娛,之前新抱生日,喺疫情下不便吹蠟燭,唯有轉用風筒,好搞笑!

最新回應

關鍵字

相關新聞

熱門文章