为受疫情影响的基层儿童筹款 徐子淇召唤圈中老友讲故事
2020-04-29 17:02 
恒基新抱徐子淇今日在ig出咗两段片，一段系以香港救助儿童会赞助人身份宣布一个筹款活动「Save with Stories」，透过活动可以帮助到受新冠肺炎影响嘅弱势儿童，佢表示香港有100万名儿童，当中有四份一生活喺贫困之中，未必得到最好嘅教育资源，而受疫情影响，亦好需要帮忙，所以Cathy就请咗一班圈中朋友讲故事畀大家听，等留家觉得闷嘅小朋友可以听佢哋讲故仔，同时亦希望善心人士可以捐款帮助香港基层儿童作为教学支援。
贴文Tag咗好多圈中人，包括甄子丹夫妇、古巨基、黎姿、郑秀文、林嘉欣、容祖儿及方力申等，但暂时只有前四者有拍片讲故仔，当中以两位爸爸讲得最好听，宇宙最强的子丹讲得生动之馀仲有英文字幕同声效，而新任爸爸亦都讲到变晒声，表情仲好丰富，而黎姿同郑秀文就讲故仔讲得好舒服，而发起活动的徐子淇喺另一段片更叫埋8岁长子李俊熹（Triston）一齐讲故仔。众人精精神神呼吁为香港弱势儿童出分力及助他们渡过难关，并希望大家听完故仔可以嘅话就去捐款。
關鍵字
最新回应