【全部香口嘢】十月尾红馆开Show 梁汉文食立杂嘢庆祝
2020-04-28 17:38 
梁汉文(Edmond)今日喺fb兴奋宣布十月尾将会举行人生第五次红馆演唱会。Edmond坦言，「大家都会问一个问题，真系咁有信心十月可以完咗个疫情？唔单止我有信心，公司有信心，公司对我都好有信心。唔可以畀个疫情打到停顿晒，我哋一定向前行，抱住一个乐观积极态度，去面对我哋大家嘅将来。」
Edmond正能量满泻，「我好有信心，十月大家一定可以回到正轨，希望到时可以同大家分享一个好精彩嘅演唱会，而家我哋慢慢开会，构思个show用咩去包装，始终全世界一齐经历过影响咁严重嘅疫情，另一方面会做啲新歌，我好长时间无做过新歌嘞。」
为咗庆祝，一向锺意「扫街」嘅Edmond决定食爆佢，食爆乜嘢?就系佢超锺意食嘅香口嘢，例如炸鸡皮、生肠、墨鱼同终生最爱的炸鸡髀。
關鍵字
最新回应