【头条独家】挑战股肌夹断筷子失败 庄端儿嫌pat pat唔够翘
2020-04-28 15:20 
庄端儿联同陈安立（Brian）、蔡宝欣（Pony）和徐浩昌（肥肠）主持的ViuTV节目《Show肌》下周推出，节目以比赛和实验形式探究人体肌肉奥秘，四人都话透过节目观众会学好多健康冷知识。自言股肌唔够靓，想再翘啲先满意的庄端儿，最难忘有集以股肌做主题，大家挑战用股肌夹断筷子，结果得陈安立成功。他们又笑言观众跟住做时要注意，小心放错位被筷子插伤。采访：杜淑霞 服装：BALLY（陈安立）
四位主持透露节目表面睇好似只讲操肌，其实是透过讲身体不同肌肉，带出好多健康资讯，仲会用游戏同戏剧来轻松表达，啱晒依家因疫情宅在家不同年纪的观众，边睇边做运动。Brian说：「我哋好多时会对一啲健康知识有误解，或者有啲地方我哋平时冇留意，节目会搵专家嚟讲解，大家一定会学到嘢。」
冒险拍趣剧
讲到庄端儿和Brian出名身材fit，但原来两人都仲未满意，庄端儿觉得自己股肌未够靓，好想再翘啲，Brian就觉得自己未够大只。提到最难忘的内容，庄端儿话有一集以股肌做主题，内容相当搞笑，「我哋大家要挑战用股肌夹断筷子，真系好难，最后得Brian成功咗。」谈到这幕四人即时起哄话，笑言要提观众跟住试要注意安全，Pony说：「小心摆错位俾筷子插伤呀！哈哈！」
四人为了想有最佳状态出镜，拍摄期间keep住唔敢食嘢，不过今次反而唔系庄端儿主力卖性感，竟然由陈安立和徐浩昌负责，她说：「我唔使点露，佢哋差不多集集都要除衫演出。」而在疫情下拍摄大家都特别注重卫生，肥肠话：「大家系靠互相信心，先可以除口罩合作。」庄端儿又自爆冒险拍趣剧，「嗰日我要扮白雪公主瞓喺度，佢哋个个喺上面讲嘢，喷晒啲口水花落我度，我啲五官吸晒都冇事，证明大家都好健康。」
最新回应