【头条独家】回苏格兰定居前再做义工 乔宝宝入罗湖惩教所制口罩
2020-02-13 19:25 
新冠肺炎肆虐，香港一罩难求，生于香港的印度人乔宝宝上周六帮在港经营印度餐厅的好兄弟派口罩畀长者，引起好多正面回响，个个大赞宝宝有善心。不过，受疫情影响下，乔宝宝由二月至三月的周年晚宴工作全部被取消，捐失惨重！既然留港冇收入仲要交租，因此，宝宝决定做埋手头几个慈善工作后提早于3月离港返回苏格兰定居：「我都想做多几次义工先走，帮吓人，畀多啲正能量罗。」采访：方骞平
乔宝宝上周喺印度返嚟后即马上去派口罩：「因为大伯娶新抱，我去负责拍手掌，其实每次返印度都系有喜庆。第一次系我4岁、第2次结婚、第3次大仔印度豹出世、第4次姐姐嫁女、第5次细仔诞生、第6次结婚25周年，今次系第7次喇。」宝宝表示印度疫情唔算严重，「可能地方大，啲人都冇乜戴口罩，但我都有喺印度买咗百几个口罩返嚟派畀有需要嘅人，因为只得两层，每个大概4毫子港币，之前朋友买嘅三层口罩就全数用嚟捐出去。」
同港人齐抗疫
至于苏格兰情况，宝宝就话都ok，「老婆知香港状况，佢见我想帮啲老人家，做吓善事留多一阵，故冇催我快闪，我冇理由喺香港呢个逆境时间走，咁样同做逃兵冇乜分别，作为锡克教徒，要保护弱者，招呼穷人。」他又透露 3月初会跟几位退休印度惩教员去罗湖惩教所做一日义工，加入赶制口罩大军：「我哋朝九晚五落手落脚做，同心抗疫，呢次算系告别作，因为之后会飞去韩国帮ViuTV拍旅游特辑，拍完喺韩国直接返苏格兰，我都好唔舍得香港，第日有嘢拍就返嚟，唔想咁早退休。」
最新回应