星岛日报

录歌前做晒功被叫揼晒佢 李施嬅获监制发掘美声

2020-02-24 11:44
李施嬅与海俊杰接受许文轩访问。
李施嬅与海俊杰接受许文轩访问。

李施嬅与海俊杰作客TVB娱乐新闻台节目《StarTalk》,接受主播许文轩专访,二人大谈合作拍摄《法证先锋IV》及推出合唱歌《二次缘》感受。海俊杰大赞施嬅唱歌好听,说:「佢对今次录音好著紧,仲一早已经约我上去我屋企练歌,佢成份歌词好似份剧本咁,做晒功课,写到花晒!」施嬅说:「我好紧张,录音前去咗搵几个老师学唱歌,又问啲歌手拎意见,我设计咗咩位轻啲,边度重啲,但我哋监制伍乐城叫我全部揼晒佢,佢帮我搵到另外一把声音出嚟。」

海俊杰谈到近20年未曾于TVB拍剧,说:「唱歌我就叫施嬅唔好咁紧张,但系拍《法证先锋IV》佢就叫返我唔好咁紧张,可能之前我喺内地拍剧多,有时无啦啦讲对白讲咗国语。」施嬅说:「可能佢少拍谈情戏,我叫佢放松啲,唔好咁紧张,导演都叫佢爱我多啲,连佢老婆都叫佢爱我多啲,上年情人节仲叫我哋出去拍拖,之后愈拍愈有默契,最后嗰埸咀嘴戏大家都有感觉。」

最新回应

關鍵字

相關新聞

热门文章