太阳眼镜都跌烂埋　当奴渣马速度落街抢厕纸

武汉肺炎来袭令全城人心惶惶，本港各区掀起「抢粮、抢罩、抢厕纸」潮，导致市面大部份食品及日用品缺货，早前森美也于社交网慨叹超市冇晒厕纸，屋企嗰卷都要悭啲使，而梁嘉琪都叫大家「定啲嚟」，物资够用就好！日前，商台DJ当奴则于Instagram（Ig）出Po大呻：「早知上次去日本，买多卷厕纸……」估计当时他都扑唔到厕纸，好苦恼！

不过，刚才当奴就于Ig宣布「喜讯」，相中蒙晒面的他拎住10卷一Pack的厕纸，并留言：「用渣马速度去买厕纸，眼镜都跌烂埋。#大小都确幸#大把货 #多谢超市收银姐姐话每朝都返货早啲嚟啦 #雷之呼吸」好在当奴平日跑开步，极速「刀手」冲落楼先抢到货，见他太阳眼镜都烂埋，相信争厕纸的场面都好激烈吓！