【头条独家】近两年频中箭学乖咗　吴业坤唔敢再口花撩女仔

吴业坤于无綫新剧《大酱园》中和朱晨丽、江嘉敏有感情线，但民初剧只可以摸吓手仔。对于被拍档龚嘉欣取笑他系「媾女王」，问到系咪要搣甩「媾女王」呢个讲法，所以今次拍剧零绯闻？坤哥大笑说：「龚嘉欣好衰㗎，系咪都笑我㗎啦，其实系因为过去两年多口咗，中箭多咗，所以系我学识乖，知道好多说话唔可以乱讲啫。」采访：方骞平 服装：Calvin Klein

《大酱园》中吴业坤同何广沛傻更更一齐做酱油，他形容似自己做歌手一样，既老实又踏实，喺擅长及钟意嘅领域下去打出一片天，最开心除了跟一班年青演员朱晨丽、江嘉敏、龚嘉欣、何广沛等打成一片外，又可以喺前辈吴岱融、龚慈恩及康华等身上学演戏，令内心戏有进步，得益良多。提到龚嘉欣同朱朱传不和，问他可会做和事佬？他却扮傻说：「表面上又唔觉佢哋有乜不和，都好奇怪点解会咁传呢！可能龚嘉欣网上发文不满有人耍大牌，讲紧嗰个人系我呢！」

少说话做实事
之前坤哥曾口花花撩过前辈薛家燕及田蕊妮，又话想追家燕姐大女珊珊(石佑珊)，坤哥保证，未来两年会少说话多做事，唔会再咁多口。笑问他系咪畀家燕姐闹得多？他即避谈：「好多传媒及前辈都好锡我，话我知有时唔使太将自己赤祼祼，就算系玩，但人哋当真，讲咗嘅嘢系收唔返嘅，过往两年多口咗，中箭多咗，呢两年试吓乖乖哋，唔好出咁多声，做好自己事先，等他朝有一日话畀大家知，其实我只系搞气氛，等大家唔好误会我。」