【头条独家】低调凑女少曝光 50岁江希文罕见师奶Look

2015年，江希文曝光率好高，因为当年佢同资深大律师胡汉清分手，女方声称被家暴，男方反称被人用刀柄伤腰，两人还因女儿的抚养权及生活费闹上家事法庭。隔日互爆大镬，反转猪肚，精彩过电视剧。隔咗四年多，江希文静晒，一年都无一次带就嚟7岁嘅囡囡Natalie出席公开活动。日前下午，戴咗头箍同口罩，着Legging嘅江希文去铜锣湾一间药房买BB用嘅洗头水，买完就上咗附近一栋大厦，重点系已50岁嘅佢唔算太走样，系下身有啲肥肉，算系咁咯。采访：梁志明

江希文同胡汉清纠缠五年，12年两人相识一个月即闪电订婚，翌年江希文为胡汉清未婚生女，15年，两人感情决裂，分手后更反面收场。当时江希文母女仍住在胡家沙宣道大宅，更为女儿的生活费和抚养权对簿公堂，有传江希文要求每月20万元生活费。17年，两人又有恩怨，有报道指胡汉清到警署报案，声称旧爱江希文涉妨碍司法公正，由港岛总区重案组负责调查，暂时未有人被捕，报道指事件疑涉及两人分手后安排。后续如何？点搵都搵唔到。

买防敏感洗头水
自始之后江希文变得低调，偶然出席公开活动，18年曾为《流行经典50年》担任嘉宾，佢仲话成十年无上过舞台，系呀，佢歌手出身，1993年出第一只碟，歌手嚟㗎。唔唱歌唔拍戏，但江希文都好忙，因为佢要凑女，囡囡Natalie话咁快就嚟7岁。当日就见到一身师奶Look的江希文戴哂口罩去药房买小朋友用，唔会敏感嘅洗头水，买完即走无睇过有无口罩卖，应该屋企收埋好多，买完就行去景隆街再上咗一栋大厦，找数其间见到江希文着住嘅Legging下有一双肉腿，感觉都几厚肉。