【头条独家】欧铠淳「转性」　胡子彤走出失恋终于识笑

上年年尾，27岁香港女飞鱼欧铠淳被传媒踢爆背男友胡子彤恋上女篮球运动员倪碧贤，两人更开设私人ig上载甜蜜生活照，仲有咀嘴相，恋情曝光后，女方火速表示跟胡子彤已分开一段日子。好多人同情失恋嘅胡子彤，不过当事人好坚强，早已走出失恋伤痛，日前约朋友喺铜锣湾饮啡，同朋友有讲有笑，无晒事啦。采访:梁志明

日前胡子彤出席ViuTV新剧探班时承认同旧爱已经无联络，不过佢好大方，知道对方要集训准备奥运比赛：「希望佢有好成绩，祝福佢开心。」胡子彤仲话会留港同家人过农历新年，之后想去旅行沉淀一吓。

好多笑容
日前下昼4点，胡子彤约咗男友人去铜锣湾希云街饮咖啡，失恋男无异样，偶然除帽拨头发，又时不时拎个电话出嚟揿，两男好好倾，仲倾到不断大笑，倾倾吓胡子彤发现记者，然后佢开始沉默，周身唔聚财，最后佢忍唔住戴返个口罩，行出嚟搵记者，「想请问你系边间?同你打个招呼啫。」全程表现友善有礼，人品几唔错，单身嘅丝打自己识做啦。