释出绝密片段帮大家杀菌 Bob啜爆麦玲玲被Cut

林盛斌（Bob）早前与麦玲玲在《流行经典50年》节目合唱《好好恋爱》，搞到网民㷫合合，嗌晒救命留言，「 隔夜饭都争啲呕埋出嚟」、「好想打烂部电视」等。
今日，Bob释出《终极绝密片段曝光》，留言：「等大家喺屋企冇咁闷，顺便帮大家杀杀菌！其实现场录影系仲有呢幕嘅，不过可能导演觉得太震撼，担心会吓亲d（啲）观众同街坊，最后出街嗰段cut咗！」
原来当日唱完Bob摸玲玲姐心口，摆出High爆样后还有后著，就是Bob背镜扮狂嘴玲玲姐，玲玲姐由迎接开始已嘟起朱唇，网民继续笑爆，留言「好彩cut咗」、「有无谂过观众感受？」，连何佩瑜都留言：「银幕情侣」。