乐●活｜愈辣愈过瘾！

锺意食辣嘅朋友，相信都会同意，愈辣愈过瘾！

睇过唔少人介绍喺东京备受热捧嘅鬼金棒辣麻味噌沾面，等了又等终于可以喺鬼金棒嘅香港店食到！辣麻味噌沾面嘅特制独家浓厚汤汁混合使用了米味噌和八丁味噌作调味，配上首度推出的沾面专用特制爽弹面条，仲可以自选辣度、麻度，令人想食吃完一口又一口。

值得一赞嘅系今次改良了的沾面专用面质，口感俾之前更爽弹，而以面条挂浓汤方式吃下，配上大火快炒的玉米笋、芽菜及慢火煨成的软腍肥美叉烧，简直系一大享受！若吃完面仍有汤汁剩下，可要求在场添加一碗清汤沟进汤汁，意犹未尽的话可以再点一碗肉饭或白饭倒进去，变成暖胃滋味汤饭，非常适合秋冬食用。

顺带同大家分享一个关于鬼金棒主打的辣麻口味的小知识，客人可以按个人喜好自选不麻不辣或地狱级鬼増级别的辣麻度汤底，设有5种麻度及5种辣度，总共25种汤底变化可任意配搭。不同辣麻程度的汤底会用上日本特制的白、红、黑陶瓷大碗，白碗代表全无、少许及中等级的辣麻味噌拉面，红碗代表大量级，而黑碗则代表地狱鬼増级，用了健力士世界纪录大全最辣的卡罗莱纳死神辣椒，犹如地狱等级的辣度。

另外，一众无辣不欢嘅朋友要留意，公仔点心新推出了嘅两款辣味点心：口水鸡味鱼肉烧卖及麻辣珍珠鸡，最啱大家放喺屋企「看门口」。前者是在向来嫩滑嚼劲刚好的鱼肉烧卖，配上具画龙点睛效用的秘制口水鸡味酱包，来自四川的口水鸡风味，甜酸咸辣层次鲜明，带阵阵蒜香，喺屋企都可以食到川式美味。至于麻辣珍珠鸡就系喺黏糯香软嘅糯米饭、丰富的馅料内都加入咗秘制嘅麻辣配料烹调，将鲜辣麻香嘅滋味完美融合喺每一口嘅糯米鸡之内。呢两款辣味点心可于各大指定超级市场有售。

如果系芫茜爱好者的话，一定要试埋芫茜猪肉饺，馅料加入大量芫茜，茜味十足，配以猪肉，再加入增添爽脆口感的马蹄，无论系放入微波炉加热、煎煮、蒸定系气炸都得，芫茜控必试！不过要提提大家，芫茜猪肉饺只有惠康超市独家发售。

作者：Laurie Wu（爱保健爱旅游爱购物的熟女）

 

[email protected]