【維港會】遺失愛兒畫作 港媽遷怒壽司店職員反遭網民狠批

出門在外應該要保管好自己財物！有港媽在社交網站發文，指自己在大埔一間壽司店遺留了兒子的畫作，短短十分鐘已經不見了，質疑到底是職員「玩X我」還是被小偷盜取。該帖文其後被轉發至其他群組，但並未引起網民同情，反而批評港媽無品，自己粗心大意但將責任推卸至職員身上，怒斥「你自己的物品無人有責任幫你看管！」。

該名港媽帶同兒子參加活動，一齊完成一幅畫作，其後到大埔一間連鎖壽司店用餐。臨走時因為兒子趕著去廁所，將畫作遺留在壽司店內。約10鐘後，兩人返回店內尋找，怎料壽司店負責人稱沒有員工見過或執過類似物品。

港媽質疑「咁大幅畫唔係一張畫紙...點會唔發現！一係就幅畫真係完美到比人偷咗！」，又指該畫作雖然並非貴重物品，但是兒子的心血，對事件既無奈又生氣，「真係想知到底係啲員工玩X我，定係準備生仔無屎忽嘅小偷趴左」，又慨嘆「人哋銀包電話都搵得到，只係一幅畫竟然搵唔番」。

不過事件未有引起網民同情，紛紛留言斥責港媽推卸責任，「自己粗心大意，唔見咗野，仲罵人，真無品，點教仔？」、「又係呢啲將自己責任推落別人身上，然後大大聲po上網話人知嘅人形生物」、「咁重視幅畫點解唔自己收好？趕去廁所唔係藉口。你覺得係寶就應該自己收好，自己嘅責任唔好賴人」，「你自己的物品無人有責任幫你看管」，不過亦有網民表示「佢唔記得拎係自己唔啱、不過一幅自己好在意嘅畫係當事人先明白.....我都試過唔記得拎畫，唔見咗喊咗好耐」、「咁其實幅晝去咗邊？員工又唔會收起唔比返佢，但又唔似係食客拎咗？」。